Испания миллий жамоаси бош мураббийи Луис де ла Фуэнте Миллатлар Лигаси чоракфиналидан ўрин олган Нидерландияга (3:3, пен — 5:4) қарши ўйиндан кейин ўз фикрлари билан ўртоқлашди. 

«Жуда хурсандмиз. Бу ўйин Европа чемпионатининг финали бўлиши мумкин эди. Биз керакли даражада эдик. Энди бизда Евро-2024да бўлган ҳис-туйғулар мавжуд. Иккала жамоа ҳам ўхшаш хусусиятларга эга эди, яъни эътибор ҳужумга қаратилганди. Ўйин мухлисларга жуда ёққан бўлиши керак. 

Ва биз яна бир бор тўртлар финалидамиз: учта собиқ жаҳон чемпионлари ва Евро-2016 ғолиби. Иштирокчилар рўйхатига қаранг. Яна бир жаҳон чемпионлари — Италия эса турнирдан чиқиб кетди. Мен ҳар доим бундай даражани Евро билан таққослайман», — дея мураббийнинг сўзларини келтиради УЕФА расмий сайти.

Маълумот учун, турнир яримфиналида Испания Франция билан ўйнаса, Германия Португалия Португалияга қарши баҳс юритади. Яримфиналлар ва финал июн ойи бошида Германияда бўлиб ўтади.