«Ювентус»га Тиаго Моттани ишдан бўшатиш қанчага тушиши маълум бўлди.

Calciomercato маълумотларига кўра, мураббийлар штабини тўлиқ истеъфога чиқариш учун компенсация пули 20 млн еврони ташкил этади. 

Шу билан бирга «Ювентус» учун Чемпионлар Лигасига йўлланма олиш жуда муҳимдир. Чунки энг нуфузли еврокубокда иштирок этиш клубга келгуси мавсумда камида 50 млн евро олиб келади. 

Турин клуби ҳозирда А Серияда 5-ўринда, яъни ЕЧЛ ҳудудидан бир поғона пастда.

ОАВ'нинг ёзишича, агар Мотта истеъфога чиқарилса, унинг ўрнини жамоанинг собиқ ҳимоячиси Игор Тудор эгаллайди.