«ПСЖ» дарвозабони Жанлужи Доннарумма ватанига қайтиши мумкин. 

Corriere della Seraʼнинг хабар беришича, 26 ёшли посбонга «Интер» қизиқмоқда. 

Манбага кўра, Италия миллий жамоаси аъзоси «Интер» таклифига розилик билдириши мумкин, чунки унинг собиқ мураббийи Жанлука Спинелли «нерадзурри» тизимида ишлайди. 

Эслатиб ўтамиз, Доннаррумма «ПСЖ»гача «Интер»нинг ҳамшаҳари ва асосий рақиби «Милан»да ўйнаган. 

Бу мавсумда дарвозабон Париж клуби учун барча турнирларда 31 та ўйинда майдонга тушиб, 29 бор тўп ўтказиб юборди. Унинг шартномаси 2026 йил ёзигача мўлжалланган.