Бруну Фернандеш пеналтиларни қандай тепишни Фабио Куалярелладан ўргангани ҳақида гапирди. 

Португалиялик яримҳимоячи «МЮ»даги дастлабки 40 пеналтисининг 36 тасини голга айлантирди. Манкунианликлар тарихида бошқа ҳеч бир футболчи 11 метрлик жарима зарбаларидан 30 тадан кўп гол урмаган. 

«Кўплаб пеналти ижрочилари ўзларига бирор бурчакни танлашади ва кейин зарба беришади. Мен қандай тепиш кераклигини «Сампдория»да ўйнаганимда Куалярелладан ўргандим. 

У доим дарвозабонларни ўрганган: нима қилиш керак, қандай қилиб уларни алдаш керак ва ҳоказо. У жуда тез югуриб, кучли зарба берарди. Аммо шу билан бирга ҳар доим дарвозабоннинг ҳаракатларини ўрганарди. Мен уни диққат билан кузатардим», — дея Фернандешнинг сўзларини келтиради Inside United.