«Барселона» президенти Жоан Лапорта ва спорт директори Деку «Нюкасл» ҳужумчиси Александр Исакни сотиб олиш бўйича бир фикрда. Бу ҳақда Sport.es хабар берди. 

Манбага кўра, ўтган йилнинг охирида Каталония клуби билан швециялик 25 ёшли футболчининг агенти ўртасида учрашув бўлиб ўтган. 

Бироқ «Барселона» Исакни ўз сафига қўшиб олиши учун бир қанча ўйинчиларни сотиши керак. Клуб рўйхатдан ўтказиш пайтида яримҳимоячи Дани Олмо билан бўлган вазият такрорланишини истамайди. Трансферга қўйишга асосий даъвогар футболчи — Роналд Арауҳо, аммо бошқа ўйинчилар ҳам клубни тарк этишлари мумкин.

Бу мавсумда Исак барча турнирларда 33 ўйинда иштирок этиб, 23 та гол урди ва 5 та голга ассистентлик қилди. Унинг «олақарғалар» билан шартномаси 2028 йилгача мўлжалланган. Тransfermarkt порталига кўра, футболчининг нархи — 100 млн евро.