«Атлетико» клуби ҳужумчиси Хулиан Алварес Чемпионлар лигаси 1/8 финали доирасида «Реал»га қарши ўйинда (1:0, 2:4 – пен.) амалга оширган пеналтиси ва унинг икки марта тўпга тегиши туфайли бекор қилинган ҳолат ҳақида илк бор фикрини билдирди.

«Бу вазиятни минг марта кўрдим. Ҳамма жойда шу видео тарқалди. Мен тўпга икки марта текканимни ҳис қилганим йўқ. Агар ростдан ҳам икки марта тегинган бўлсам, бу жуда кичик контакт бўлган, уни сезиш қийин эди. Аммо ҳаммаси ортда қолди...

Қоидалар аниқроқ бўлиши керак, чунки мен зарба йўллаётганда қоидалардаги қандайдир устунликка эга бўлишни хаёлимга ҳам келтирмаганман. Масалан, пеналти пайтида дарвозабон чизиқдан чиқиб кетса, жарима зарбаси қайтадан амалга оширилади. Бу ҳолат эса жуда афсусли», – деди Альварес ESPN эфирида.