Халқаро олимпия қўмитаси (МОҚ) президенти Томас Бах лавозимини тарк этгандан сўнг режалари ҳақида гапирди.

МОҚ президенти УЕФА Чемпионлар лигаси 2024/2025 йилги мавсуми финалига бориш – унинг асосий режаларидан бири эканини айтиб ўтди. Финал баҳси 31 май куни Мюнхенда бўлиб ўтади.

«Режаларим? Биринчи навбатда, 31 май куни Мюнхенда бўлиб ўтадиган Чемпионлар лигаси финалига бораман. «Бавария» ниҳоят ўз уйида ғолиб бўлишига умид қиламан. «Реал»? Сизлар финалга ҳам чиқмайсиз.

Мен спорт турнирларидан баҳра олишни, фахрий президент сифатида фаолият юритишни, ёш спортчилар билан мулоқот қилишни режалаштиряпман. Энди майдонда ёки унинг ташқарисида содир бўладиган воқеалар учун жавобгар бўлмасдан, фақат завқ олиб кузатаман», – деди Бах France 24 нашрига.

Маълумот учун, 20 март куни Халқаро олимпия қўмитасига янги раҳбар этиб Кирсти Ковентри тайинланди. У икки карра олимпия чемпиони бўлиб, 41 ёшда. Ковентри МОҚ тарихида ташкилотга раҳбарлик қиладиган биринчи аёл ҳисобланади. Томас Бах 23 июн куни лавозимини тарк этади ва ваколатлар янги президентга ўтади.