Федерико Кьеза ёзги трансфер ойнасида «Ливерпул»ни тарк этадиган бўлди.

Calciomercato нашрининг хабар беришича, мерсисайдликлар италиялик футболчи билан хайрлашишга қарор қилган. Кьеза маоши камайишига рози бўлса, уни таклиф этишга тайёр бўлган А Серия клублари талайгина.

Қайд этилишича, Италияда Кьеза учун энг асосий даъвогар «Наполи» ҳисобланмоқда. Федерико – жамоа бош мураббийи Антонио Контега маъқул келадиган ўйинчи. Яқин ойларда томонлар музокараларни бошлаши мумкин.

Маълумот учун, Кьеза жорий мавсум Англия Премьер-лигасида учта ўйинда иштирок этиб, майдонда жами 8 дақиқа ўтказган.