Ўзбекистон миллий жамоаси ҳамда «Манчестер Сити» ҳимоячиси Абдуқодир Ҳусанов бугун Наврўз тадбирларида қатнашди.

Ўзбекистон миллий жамоаси ҳамда «Манчестер Сити» ҳимоячиси Абдуқодир Ҳусанов бугун, 21 март куни «Янги Ўзбекистон» боғида ўтган Наврўз тантанасида иштирок этиб, тадбирдан кейин президент Шавкат Мирзиёевга имзоси туширилган «Сити»даги либосини совға қилди.

Мамлакатимиз президенти билан учрашувда Абдуқодирга отаси Ҳикмат Ҳошимов ҳамроҳлик қилди.

Эслатиб ўтамиз, Ҳусанов куни кеча Қирғизистонга қарши ўйинда иштирок этганди. У 25 март куни Ўзбекистон миллий жамоаси билан Эронга қарши баҳсда майдонга тушиши кутилмоқда.