Ламин Ямал «Олтин тўп»ни тезроқ ютишни хоҳлаётгани ҳақида гапирди. 

— Сунъий интеллект 20 йиллик прогнозни ишлаб чиқарди. Унга кўра, сен 2029 йилда «Барса» ўйинчиси сифатида мукофотни оласан. Кейин 2035 ва 2037 йилларда уни яна икки бор қўлга киритасан ва бу сафар «Реал» футболчиси сифатида! Бунга нима дейсан?

— 2029 йилдан аввалроқ «Олтин тўп»ни олишга умид қиламан, чунки бу соврин менинг Испания билан жаҳон чемпионати ва «Барса» сафида Чемпионлар Лигасида ғалаба қозонишимни англатади. Бу турнирларда ғолиб бўлиш — менинг энг асосий орзуларим.

Сунъий интеллектнинг прогнозлари ҳақиқатга тўғри келмайди. Бу нотўғри, — деди каталонияликлар вингери AS мухбири билан интервюда.