Пауло Дибала операция қилинади. 

«Рома» клубининг маълум қилишича, аргентиналик яримҳимоячи чап сон мушакларидан жароҳат олган. 

«Футболчи ва клуб ўзаро келишувга эришди, ҳозир — тикланиш учун энг яхши вақт», — деб ёзилади римликлар баёнотида.

Дибала А Сериянинг 29-турида «Каляри» (1:0) билан ўйинда жароҳат олганди. 

Хабар қилинишича, 31 ёшли яримҳимоячи мавсумнинг қолган қисмини ўтказиб юборади. 

Бу мавсумда Дибала Италия чемпионатининг 24 ўйинида 6 та гол урди ва 3 та голга ассистентлик қилди.