«Спортинг» икки ёш футболчисининг «Челси»га ўтишини эълон қилди.

Лондон клуби 17 ёшли вингер Жеовани Кенда ва 20 ёшли таянч яримҳимоячиси Дариу Эссугуни 74,4 миллион еврога сотиб олди. 

Кенданинг трансфери «Челси»га бонуслар билан бирга 52,14 млн еврога, Эссугу эса 22,27 млн еврога тушди. 

Шу билан бирга Эссугу «Лас-Палмас»да ижарада ўйнашда давом этади, Кенда эса 2025/26 йилги мавсумгача «Спортинг»да қолади.

Маълумот учун, 17 ёшли вингерга «Манчестер Юнайтед» ҳам қизиқиш билдираётганди.