Массимилиано Аллегри яна «Милан»да ишлашга тайёр.

La Gazzetta dello Sportʼнинг ёзишича, «россонери» бош мураббийлигига қайтиш 57 ёшли мутахассис учун асосий вариант ҳисобланади. У жамоа таркибини яхши деб ҳисоблайди. Шу билан бирга, Аллегри учун унинг клубда қандай рол ўйнаши, лойиҳанинг қанчалик жиддийлигини билиш ҳам муҳимдир.

Таъкидланишича, бир неча кун олдин мураббий «Милан» бош директори Жоржо Фурлани билан гаплашган, аммо улар клубга қайтиш масаласини муҳокама қилишмаган. 

Аллегри «Милан»ни 2010-2014 йиллар оралиғида ҳам бошқариб, жамоа билан А Серия ва Италия Суперкубогида зафар қучган.