«ПСЖ» ва Виржил ван Дейк ўртасида ўзаро музокара ўтказилмаган.

Журналист Жульен Лораннинг ёзишича, клуб ва футболчи ўртасида музокара ўтказилмаган. Париж клубининг нидерландиялик ҳимоячига катта маошли таклиф билан чиққани ҳам асоссиз, дейилади Париж клубига яқин манба хабарида.

«Ливерпул» ҳимоячиси Чемпионлар Лигаси жавоб баҳсидан сўнг «ПСЖ» директори Луиш Кампуш ва президент Носир Ал-Хелайфи билан гаплашган, бироқ суҳбат унинг келажаги ҳақида эмас, балки ўтган икки ўйин ҳақида бўлган.

Маълумот учун, ван Дейкнинг «Ливерпул» билан шартномаси шу йил ёзида тугайди. Томонлар янги шартнома борасида ҳамон келишувга эришмаган.