Англия миллий жамоаси бош мураббийи Томас Тухел ЖЧ-2026 саралаш босқичи доирасидаги Албанияга қарши ўйин олдидан фикрини билдирди.

Немис мутахассиси 2025 йилнинг 1 январидан Англия миллий жамоаси бош мураббийи сифатида иш бошлади. Тухелнинг шартномаси 2026 йилги Жаҳон чемпионати якунигача – 1,5 йилга мўлжалланган.

«Биз мухлислар билан яхши алоқа ўрнатишимиз муҳим. Улар бизни, биз уларни ҳис қилишимиз шарт. Премьер-лига миллий жамоадаги футболчиларнинг бор салоҳиятини тўлиқ очиб беради, уларда кучли характер бор. Энди бизнинг вазифамиз – фақат энг яхши ўйинчиларни эмас, балки энг яхши жамоани тузиш. Бу менинг вазифам.

Биз турли клублардан, турли услубларга эга футболчиларни бирлаштирамиз. Буни ягона ғояга айлантириш – асосий мақсад. Англия миллий жамоасининг ўйини АПЛни акс эттиради – кучли ва ҳужумкор. Мухлислар ҳам айнан томошабоп ўйинни кутади», деди Тухел УЕФА расмий сайтига берган интервюсида.