Ўзбекистон ва Қирғизистон ўртасидаги ўйин олди матбуот анжуманида миллий жамоамиз бош мураббийи Темур Кападзе ва яримҳимоячи Одил Ҳамробеков иштирок этди.

Миллий жамоамиз аъзоси Одил Ҳамробеков анжуманни собиқ бош мураббий Сречко Катанецга миннатдорчилик билдириш билан бошлади.

«Миллий жамоа футболчилари номидан Сречко Катанецга 3,5 йиллик фаолияти учун миннатдорчилик билдирамиз. Унга ўйинчилар номидан мустаҳкам соғлиқ, саломатлик тилаб қоламиз. Раҳмат», - дея гап бошлади Одилбек Ҳамробеков.