Франция миллий жамоасининг Миллатлар лигаси чоракфинали доирасидаги Хорватияга қарши ўйини олдидан Килиан Мбаппе Лионел Месси ва Криштиану Роналдунинг ўрнини эгаллашга уринаётгани ҳақидаги гапларни рад этди.

«Уларнинг ўрнини эгаллашга уринаётганим ҳам йўқ. Бунга ҳаракат ҳам қилмайман. Чунки бундай ўйинчиларни алмаштириб ёки ўрнини босиб бўлмайди», – деди «Реал» ва Франция миллий жамоаси ҳужумчиси матбуот анжуманида.

Маълумот учун, Франция ва Хорватия миллий жамоалари 20 ва 23 март кунлари Миллатлар лигаси чоракфинали доирасида ўзаро тўқнаш келади.