Роберт Левандовски «Барселона»га ўтиши фаолиятидаги энг тўғри қарорлардан бири эканини айтди.

«Каталониядаги одамлар бошқа жойлардан кўра нисбатан хушчақчақ ва очиқроқ. Клуб ҳақида гапирадиган бўлсам, жамоанинг қанчалик буюк эканини сиз ҳар қадамда, ҳар бир ишда кўрасиз, ҳатто мавсумолди мусобақага йўл олганингизда ҳам бу яққол сезилади.

Буюк клубларда тўп сурганман, лекин «Барселона»да бошқача бир ҳис-туйғу бордек. Бу ерга келганимнинг биринчи куниданоқ ўзимни тўғри жойда эканлигимни ҳис қилдим», – деди ҳужумчи Barca One'га берган интервюсида.

Маълумот учун, Роберт «Барса»га «Бавария» сафидан келиб қўшилганди. У жорий мавсум Ла Лигада 26 ўйинда 22та гол, ЕЧЛда эса 10 ўйинда 9та голга муаллифлик қилди.