ЕЧЛ 1/8 финали доирасидаги «Бавария»га (0:2) қарши жавоб баҳсида жароҳат олган «Байер» ҳимоячиси Марио Эрмосо учун мавсум якунланди. 

«Эрмосо «Бавария» билан ўйинда олган жароҳатидан кейин муваффақиятли операцияни ўтказди. Ҳимоячимиз мавсумнинг сўнгги қисмини ўтказиб юборади ва энди «Веркштатт»да тезроқ тикланишга киришади. Тезроқ сафга қайтишингни тилаймиз, Марио!» - деб ёзади леверкузенликлар матбуот хизмати.

Эрмосо — «Реал» тарбияланувчиси. У «Эспанёл» ва «Атлетико»да ҳам ўйнаган. Ўтган ёзда эса 29 ёшли испан «Рома»га ўтди ва январ ойида «Байер»га ижарага берилди. У немис клубида 7 та баҳсда майдонга тушди.