Дарвин Нунес «Атлетико»га ўтиши мумкин.

GiveMeSport маълумотларига кўра, Мадрид клуби яна бир ҳужумчи билан шартнома имзолашни режалаштирмоқда, чунки жамоа етакчиларидан бири Антуан Гризманн катта эҳтимол билан «Лос-Анжелес»га йўл олади. 

«Матрасчилар» «Ливерпул» ўйинчисини дастлаб ижарага олиб, сўнг 35-40 млн еврога сотиб олишни мақсад қилган. Ҳозирчa клублар ўртасида музокаралар йўқ. 

Таъкидланишича, январ ойида «Ан Наср» Уругвай миллий жамоасининг 25 ёшли форварди учун икки баравар кўп пул тўлашга тайёр эди. Аммо мавсум ўртаси бўлгани учун мерсисайдликлар ҳам, футболчининг ўзи ҳам трансферга қизиқиш билдирмаганди. 

Бу мавсумда Нунес 23 та ўйин ўтказиб, 5 та гол урди ва 2 ассистни ўз ҳисобига ёздириб қўйди.