Transfermarkt портали Англия Премьер-лигаси футболчиларининг трансфер баҳоларини янгилади.

Унга кўра, «Манчестер Сити» клуби ҳимоячиси Абдуқодир Ҳусановнинг трансфер нархи 12 миллиондан 35 миллион еврога кўтарилди. Бу – ўзбекистонлик 21 ёшли ҳимоячининг трансфер баҳоси 23 миллион еврога ошгани демакдир.

Портал хабарига кўра, Ҳусанов 2025 йилда «Манчестер Сити»нинг трансфер баҳоси энг кўп кўтарилган ўйинчисига айланди. Бу борада «Сити»нинг яна бир аъзоси Нико Гонсалес 22 млн еврога қимматлаб, нархи 40 млн еврога етган. Шунингдек, жамоанинг яна икки янги ўйинчиси Рейс 16 млн еврога, Мармушнинг трансфер баҳоси эса 15 млн еврога ошган.

АПЛда бу борада фақатгина «Нюкасл» ҳужумчиси Александр Исак (+25 млн), «Арсенал» вакили Нванери (+25 млн) ва «Борнмут» ўйинчиси Ҳёнсен (+24 млн) Абдуқодирни ортда қолдирган. Ўзбекистонлик футболчи Премьер-лигада нархи энг кўп ошган ўйинчилар орасида топ-4ликдан жой олган.

2025 йилда трансфер баҳоси энг кўп ошган АПЛ ўйинчилари: