Килиан Мбаппе Чемпионлар лигасида «ПСЖ»га қарши ўйнаш имкониятини баҳолади.

«Бу ҳақда ўйлаш – энг катта хатодир. Бу ўтган мавсумни эсга солади, ўшанда ҳамма финалда «ПСЖ» ва «Реал» тўқнаш келади деб ўйлаганди, аммо бу содир бўлмади. Шу сабабли, мен фақат «Реал» ва чоракфиналдаги рақибимиз «Арсенал» ҳақида ўйлаяпман.

Биз барча мусобақаларда иштирок этяпмиз. Мавсумнинг якуний қисмида катта ютуқларга эришиш имкониятига эгамиз. Бутун эътиборимиз ва кучимизни ўзимизга ва олдимиздаги ўйинларга қаратишимиз керак.

Бундай башоратлар мухлислар учун, яхшиси улар тахмин қилишсин. Бизда эса бунга вақт йўқ», – деди «Реал» ҳужумчиси Le Parisien нашрига берган интервьюсида.