Килиан Мбаппе ҳамюрти, «Атлетико»да ўйнайдиган Антуан Гризманн билан муносабатлари ҳақида гапирди.

«Антуан ва мен тез-тез мулоқот қиламиз. Менга унинг ўғли Амаро ёқади. У — футболнинг катта мухлиси ва менга болалигимни эслатиб юборади. 

Бошқа томондан, ҳаммаси чиндан ҳам қийинлашди. Чунки биз бир шаҳарда яшаймиз, аммо жамоаларимиз — принципиал рақиблар. У аллақачон мени бир неча бор уйига — барбекюга таклиф қилди. Ҳозирча боролмадим, лекин, албатта, бўлади. 

Антуан менга Франция миллий жамоасини тарк этиши сабабини тушунтирган  Бу — унинг қарори ва фақат у нима учун бундай танловни амалга оширганини айта олади. 

Баъзан биз жавобгар бўлмаган ишларимизда айбландик. Ўша пайтда миллий жамоага қўшган ҳиссамиз етарли эмаслигини ҳис қилдик. Антуан ва мен миллий жамоа учун қилган барча нарсалар ахлатга ташланди», — деди «Реал» ҳужумчиси Le Parisien билан интервюда.