«Барселона» Жюл Кунде билан шартномани узайтиришга яқин.

Diario Sportʼнинг ёзишича, Каталония клуби ҳимоячи билан 2030 йилгача мўлжалланган битим борасида келишувга эришди. Келишувга кўра, 26 ёшли францияликнинг маоши оширилади. 

Бунгача амалдаги шартнома 2027 йилгача эди. 

Таъкидланишича, «Барселона»да Кунденинг ўйинларидан қониқишади. Ҳимоячининг ўзи ҳам клубдаги ўрнидан хурсанд.

Жюл бу мавсумда Ла Лигада 28 ўйинда 2 гол ва 3 ассистни ўз ҳисобига ёздириб қўйди.