Ла Лига 28-туридан ўрин олган «Атлетико»га (4:2) қарши баҳсда «Барселона»нинг икки футболчиси жароҳат олди. 

Ҳимоячи Иниго Мартинес ва яримҳимоячи Марк Касадо тиззасидан жароҳатланишди. 

Натижада 33 ёшли ҳимоячи 2-3 ҳафтага, 21 ёшли яримҳимоячи  эса деярли мавсум сўнгигача сафдан чиқди. 

Ҳар икки футболчи ҳам Испания миллий жамоасининг март ойидаги ўйинларига чақирилганди. Уларнинг ўрнини «Борнмут» ҳимоячиси Дин Ҳейсен ва «Байер» яримҳимоячиси Алеиш Гарсия эгаллайдиган бўлди.