Премер-лигада кейинги мавсумдан Puma тўплари ўйналади. 

АПЛ Puma билан битим шу ёздан кучга киришини эълон қилди. Июлда АҚШда янги тўп расман тақдим этилади. Бунгача дунёнинг энг томошабоп лигаси Nike бренди тўпларидан фойдаланарди. 

Эслатиб ўтамиз, Puma бренди тўплари аллақачон Англия Лига Кубогида синовдан ўтказилди ва уни «Арсенал» бош мураббийи Микел Артета танқид қилишга ҳам улгурди: «Тўп жуда тез учаркан. Футболчиларимнинг кўп зарбалари юқорига кетди». 

Маълумот ўрнида, Puma тўпларидан Ла Лига ва А Серия ҳам фойдаланади.