Виржил ван Дейк «Ливерпул»нинг омадсиз ўтган якунланган ҳафтаси ҳақида фикрини билдирди. Мерсисайдликлар дастлаб «ПСЖ»га мағлуб бўлиб, ЕЧЛдан чиқиб кетган бўлса, якшанба куни «Нюкасл» билан ўйинда мағлуб бўлиб Англия лига кубогини қўлдан чиқарди.

«Буёғига вазиятни ўзгартиришимиз керак. 5 кун ичидаги икки мағлубият ва дунё остин-устун бўлиб кетгандек. Футбол – шунақа ўйин. Бир ҳафта аввал ҳаммаси биз учун ажойиб ўтаётгандек эди. Энди эса кетма-кет омадсизликлар бўлди. Англия кубогидан чиқиб кетганимиздан кейин Чемпионлар лигасида ҳам омадсизликка юз тутдик. Англия лига кубоги финалида ҳам мағлуб этилдик.

Олдимизда жуда муҳим бўлган 9та ўйин бор ва АПЛ доирасидаги бу баҳслар қанчалик муҳимлигини барча тушуниб турибди. Мавсум бошидан буён курашиб келаётган соврин учун боримизни бериб, ишни чиройли якунлашимиз шарт. АПЛда чемпионлик учун курашишимизни ҳеч ким кутмаганди. Дунёдаги энг қийин турнирнинг бош совринига эга чиқишимиз жуда муҳим», - дейди Ван Дейк Goal мухбири билан суҳбатда.