«Манчестер Юнайтед» бош мураббийи Рубен Аморим АПЛ 29-туридан ўрин олган «Лестер»га (3:0) қарши баҳсдан кейин ўз фикрлари билан ўртоқлашди. 

«Менимча, яхши ўйин бўлди. Энергия етишмаганини ҳис қилдим, аммо йигитлар бор кучларини беришди. Баъзи футболчилар чарчаганди, аммо биз ғалабага лойиқ ўйнадик. 

Ўйинни бошқардик. Тўп назоратида ҳам яхшироқ ўйнасак бўларди, аммо сўнгги икки ҳафтадаги тиғиз тақвим сабаб ҳаммасини тушунаман. Сафар ўйинига келган мухлисларимиз билан ҳафтани идеал якунладик. Улар қойилмақом», — дейди португалиялик мутахассис Sky Sports эфирида.