Трент Александер-Арнолд Англия Лига Кубоги финалида ўйнай олмайди.

«Ливерпул» ва «Нюкасл» ўртасидаги финал баҳси 16 март куни бўлиб ўтади. 

26 ёшли ҳимоячи «ПСЖ»га қарши Чемпионлар Лигаси 1/8 финалининг жавоб ўйинида (0:1, пен — 2:4) жароҳат олиб, алмаштирилганди. Шунингдек, ўша баҳсда Ибраима Конате ҳам жароҳати туфайли қўшимча бўлимда майдонни тарк этди. 

«Трент ҳақиқатан ҳам таркибда бўлмайди. У финалда ўйнай олмайди. У текширувдан ўтиши керак, аммо биз Трентнинг мавсум охиригача қайтишини кутамиз.

Конатега келсак, у пайшанба куни машғулот ўтказмади, чунки дам олиш куни эди. Унинг машғулотларга қайтишини кутяпман. Унинг ҳолатини кўриб чиқамиз», — дея мерсисайдликлар устозининг сўзларини келтиради клуб расмий сайти.