«Реал» Энцо Фернандес трансферига қизиқиш билдирмоқда, деб хабар беради TEAMtalk. 

«Қаймоқранглилар» «Челси»нинг 24 ёшли яримҳимоячиси билан шартнома имзолаш имкониятини кўриб чиқмоқда. Лондон клуби ёзда футболчини қўйиб юборишни хоҳламайди, лекин Энцо Мадрид клубига ўтишни истайди. 

Эслатиб ўтамиз, «Челси» аргентиналик футболчини 2023 йил қишда «Бенфика»дан 121 млн еврога сотиб олганди. Яримҳимоячи билан амалдаги келишув 2032 йил ёзигача мўлжалланган.

Аммо «Реал» Фернандес учун «Челси» «Бенфика»га тўлаганчалик катта пул бермоқчи эмас, чунки мадридликлар ёзда бошқа трансферларни ҳам режалаштирган. 

Футболчилар алмашинуви — эҳтимолий вариант. «Челси» Франция миллий жамоаси ва «Реал» таянч яримҳимоячиси Орелиен Чуаменини ўз сафига қўшиб олишни хоҳлайди. 

2024 йил ноябр ойида агар Чуамени «Реал»ни тарк этса, «қироллик клуби» Энцони ёки «Манчестер Сити»дан Родрини сотиб олиши мумкинлиги ҳақида хабар берилганди.