«Манчестер Сити» ҳужумчиси Эрлинг Ҳоланд Англия чемпионатида яна бир рекорд ўрнатди. 

Норвегиялик футболчи 29-турдан ўрин олган «Брайтон»га (1:1, давом этмоқда) қарши баҳсда пеналтидан тўп киритди ва натижада унинг АПЛда гол+ассист бўйича очколари 100 тага етди — 84 гол,  16 ассист. 

Эрлинг АПЛда бундай натижа учун 100 тадан кам ўйин сарфлаган биринчи футболчига айланди. Унга 94 та ўйин етарли бўлди. 

Аввалги энг яхши натижа Алан Ширерга тегишли эди. У 100 та гол+ассистга 100 та баҳсда эришган.