Карло Анчелотти «Реал»нинг барча турнирлардаги муваффақиятли ўйинини таъкидлади. 

«Қийинчиликларга қарамай, март ойида биз ҳамон барча турнирларда етакчилар қаторидамиз. Бунақаси сўнгги 3 йил ичида бўлмаган. 

Биринчи мавсумда биз феврал ойида Испания Кубоги чоракфиналида «Атлетик»ка ютқазиб қўйгандик, иккинчисида Ла Лигада жуда орқада қолдик... Ҳозир эса барча турнирларда етакчимиз. Биз билан ҳаммаси яхши, лекин янада яхшироқ ўйнашимиз мумкин», — дея италиялик мутахассиснинг сўзларини келтиради Football Espana. 

27 та ўйиндан сўнг Мадрид клуби «Барселона» билан Ла Лигада пешқадамлик қилмоқда, аммо каталонияликлар захирасида бир ўйин бор. 

Чемпионлар Лигасида эса «Реал» 1/4 финалга чиқди ва энди «Арсенал» билан ўйнайди. Испания Кубогининг биринчи яримфинал ўйинида эса «Реал Сосиедад» (1: 0) мағлубиятга учратилди.