«Реал» вингери Винисиус Жуниор жамоаси Чемпионлар Лигаси 1/8 финалида «Атлетико»ни ортда қолдиргач, ўз ҳиссиётлари билан ўртоқлашди. 

«Фақат битта Мадрид бор! Бу — дунёдаги энг яхши клубни ифодалаш учун энг яхши гап!» — деб ёзди бразилиялик футболчи ижтимоий тармоқларда.

Эслатиб ўтамиз, «Атлетико» майдонидаги беллашувда мезбонлар 1-дақиқадаёқ гол уриб, икки ўйин натижасига кўра ҳисобни тенглаштиришди. 70-дақиқада эса «Реал» ҳужумчиси Винисиус пеналтидан фойдалана олмади ва у сериядан аввал захирага олинди. Футболчи захира ўриндиғига ўтиришдан аввал «матрасчилар» мухлисларига «Биз 15 марта ЕЧЛни ютганмиз, сизларда эса нол» дея қўли билан ишоралар қилди. Якундаги «лотерея»да «Реал»нинг қўли баланд келди.