«Ливерпул» бош мураббийи Арне Слот ЕЧЛ 1/8 финалидан ўрин олган «ПСЖ» (0:1, пен — 1:4) билан ўйиндан сўнг ўз фикрларини билдирди. 

«Бу — мен иштирок этган энг яхши ўйин. Ажойиб баҳс, айниқса, ўтган ҳафта билан таққослаганда. Биз вазиятлар яратдик ва тўсатдан тўп ўтказиб юбордик. Ўтган ҳафтадаги ўйиндан кейин омадимиз тугаган экан. 

0:1дан кўпроғига муносиб эдик. Гол уролмаганимизни айтмаса, биз идеал ўйин ўтказдик. Ўтган ҳафта «ПСЖ» шундай ҳаракат қилганди. 

Эҳтимол, қўшимча вақтда рақиб бироз яхшироқ ўйнади. Ҳаммаси пеналтига қараб борди, биз нидерландияликлар эса серияни қандай ютқазишни яхши биламиз. 

Ҳамманинг ҳафсаласи пир бўлди. Аммо мен бу футболчиларни биламан, улар қатъиятли.

Ушбу ўйинда ҳар нарса бўлиши мумкин эди. Биз 90 дақиқадан кейин ҳеч бўлмаганда дурангга эришишимиз мумкин эди», — дейди нидерландиялик мутахассис Amazon Prime эфирида.