«Реал» ҳужумчиси Килиaн Мбаппе Испания чемпионатининг 27-турида  «Райо Валекано» (2:1) дарвозасига тўп киритди. 

Натижада футболчининг ушбу мавсумда клублар миқёсида барча турнирлардаги голлари 29 тага етди. 

Бу кўрсаткич орқали Мбаппе топ-4 лигадаги дебют мавсумида энг кўп гол урган францияликка айланди. Олдинги рекорд 1982/1983 йилги мавсумда «Ювентус» сафида 28 бор тўп киритган Мишел Платинига тегишли эди. 

Эслатиб ўтамиз, 26 ёшли ҳужумчи Мадрид клубига ёзги трансферлар ойнасида ўтиб, «қаймоқранглилар» 2029 йилгача шартнома имзолаганди.