Хави «Олтин тўп» олмагани учун афсусланмаслигини айтди. 

«Мен ўзимни ўша йиллардаги «Олтин тўп» эгалари Лионел Месси ёки Криштиану Роналдудан яхшироқ эдим, деб ҳисобламайман.  

Плеймейкер эдим, лекин менда ўйинларни бир ўзим ҳал қилиш хусусияти бўлмаган. Уч марта учинчи ўринни эгаллаганимдан фахрланаман, гарчи бунинг учун «бронза тўп» берилмаса ҳам. France Football менга музейимга қўйиш учун бир нечта «тўп» беришини хоҳлагандим (кулади).

Дўстларим Андрес ва Лео билан фотосуратлар тарихий, ақл бовар қилмайди. Мен учун бу — клуб фалсафасининг ғалабаси, бизнинг услубимиз ва ноёб меросимизнинг тан олиниши», — дейди «Барселона» собиқ футболчи ва мураббийи AS нашрига.