Муҳаммад Салоҳ Премер-лигада бир мавсумдаги сермаҳсуллик бўйича «Ливерпул» футболчилари орасида рекорд ўрнатди.

Мисрлик вингер «Саутҳэмптон»га қарши 28-тур ўйинида дублга эришди (3:1). 

Натижада 32 ёшли футболчининг ушбу мавсумда гол+ассист бўйича АПЛдаги очколари 44 тага етди — 27+17.

Бу — Премер-лигада бир мавсум учун «Ливерпул» тарихидаги энг яхши натижа. 

Аввалги рекордчи 2013/14 мавсумда 43 очко (31  гол, 12 ассист) тўплаган Луис Суарес эди.