«Манчестер Сити» бош мураббийи Пеп Гвардиола АПЛ 28-туридан ўрин олган «Ноттингҳэм Форест» (0:1) билан ўйиндан сўнг ўз фикрларини билдирди. 

«Оғир ўйин. Биз Вудга бўладиган узун узатмаларни ва ўтиш чизиқларини бошқардик. Аммо иккинчи бўлимда ўтиш чизиғида бир марта тўпни йўқотдик ва Ҳадсон-Одои бу вазиятни жуда яхши англади.

«Ноттингҳэм»га қарши ўйнаш осон эмас. Шунинг учун улар ҳозир 3-ўринда. 

Биринчи бўлимда биз 3 та ёки 4 та имкониятга эга бўлдик. Иккинчи бўлим ўйин анча ёпиқ бўлди ва якунда мувозанат уларнинг фойдасига ишлади. 

Иккинчи бўлимдаги тезлигимиз? Ҳа, секин эдик. Биз учун чизиқларни кесиб ўтиш ва бўш ҳудудларни топиш қийин бўлди. 

Яхшироқ ўйнашимиз, нимадир қилишимиз керак. Чемпионлар Лигаси йўлланмаси осмондан тушмайди», — дея испаниялик мутахассиснинг сўзларини келтиради ВВС.

Маълумот учун, «Сити» Премер-лигада 47 очко билан 4-ўринни эгаллаб турибди.