Олмалиқдаги ўйин билан Суперлига-2025 мавсумига старт берилди.

Миржалол Қосимов мураббийлигидаги ОКМК Улуғбек Бақоев мураббийлигидаги «Бухоро»ни қабул қилиб, қийин ғалабага эришди. Ғиёсов мавсумдаги илк голга муаллифлик қилган бўлса, Жўраев фарқни йўққа чиқарганди – 1:1.

90+2-дақиқада эса Али Абдураҳмонов мезбонларнинг ғалаба голига муаллифлик қилди. Бош ҳакам Ғайрат Жўраев ВАРга мурожаат қилиб, гол бўлган вазиятгача меҳмонлар ҳимоячиси Сардор Қулматовга нисбатан қўполлик бўлган ҳолатни кўриб чиқди, аммо ОКМКнинг голини бекор қилмасликка қарор қилди.

Шу тариқа, ОКМК мавсумни ғалаба билан, бухороликлар эса мағлубият билан бошлашди.

Суперлига. 1-тур

ОКМК – «Бухоро» - 2:1

Бош ҳакам: Ғайрат Жўраев

VAR: Розиябону Юсупова

Голлар: Хуршид Ғиёсов 11, Али Абдураҳмонов 90+2 – Анвар Жўраев 18.

ОКМК: 35.Жавоҳир Илёсов, 3.Сардор Раҳмонов, 7.Дилшод Аҳмадалиев, 10.Хуршид Ғиёсов, 15.Ойбек Рустамов, 20.Ислом Тўхтахўжаев, 21.Саидафзалхон Аҳроров, 23.Ажак Риак (27.Али Абдураҳмонов, 79), 28.Арихиро Сентоку (99.Асад Собиржонов, 68), 30.Аброр Саримсоқов (5.Гиорги Папава, 68), 77.Нодир Абдураззоқов.

«Бухоро»: 1.Ширинбой Абдуллаев, 5.Сардор Қулматов, 8.Анвар Жўраев (25.Фране Чирьяк, 68), 10.Шоҳруз Норхонов (9.Ҳусайн Эргашбоев, 83), 17.Жавоҳир Рўзиев (6.Равшан Хайруллаев, 83), 19.Билол Туплиев (27.Муҳаммад Йўлдошев, 46), 33.Йосип Томасевич, 88.Доминик Бегич (77.Алберт Нуруллаев, 61), 93.Марко Колакович, 94.Фране Икич, 97.Шаҳбоз Жўрабеков.