«Барселона» бош мураббийи Ҳанси Флик ЕЧЛ 1/8 финалидан ўрин олган «Бенфика»га (1:0) қарши баҳсдан сўнг ўз фикрлари билан ўртоқлашди. 

Каталония клуби 22-дақиқадан камчиликда ўйнаганига қарамай, Рафинянинг иккинчи бўлимдаги голи эвазига ғалаба қозонди. 

«22-дақиқадан бошлаб 10 киши бўлиб ўйнасак-да, ажойиб жамоавий футбол намойиш этганимиздан фахрланаман. 

Бугун дарвозабонимиз (Шесни, 8 та сейв қилди) қойилмақом эди. Ажойиб ўйнадик, яхши ҳимояландик. 

Педри юқори даражада ўйнашда давом этмоқда. У биз билан эканлигидан хурсандмиз.

Четлатишдан сўнг кимни алмаштиришни танлашимиз керак эди. Бу ўзгариш Олмонинг ўйинига боғлиқ эмасди. Ва биз тўғри танлов қилдик», — дея немис мутахассисининг сўзларини келтиради Marca.