«ПСЖ» бош мураббийи Луис Энрике ЕЧЛ 1/8 финалидан ўрин олган «Ливерпул» (0:1) билан ўйиндан сўнг ўз фикрларини билдирди. 

Беллашувда Париж клуби 28 та зарба бериб, гол уролмади. Мерсисайдликлар эса ягона аниқ зарба билан дарвозани ишғол этишди. 

«Жуда адолатсиз натижа. Балки, бу бизнинг Чемпионлар Лигасидаги энг мукаммал ўйинимиз эди. Рақибнинг энг яхши ўйинчиси дарвозабон (9 та сейв амалга оширди) бўлди.

Жамоам билан жуда фахрланаман, лекин баъзида футбол адолатсиз. Келинг, жавоб ўйини ҳақида ўйлаймиз.

Барколяга нисбатан қўполлик учун Конате четлатилиш керакмиди? Изоҳсиз. 

Биз «Ливерпул»га қараганда анча яхши эдик, бироқ улар ғалаба қозонишди. Мен салбий ҳолатни кўрмаяпман. Яна бир ўйин бор. Мен оптимистманми? Албатта», — деди испаниялик мутахассис Canal+ эфирида.