«Барселона» вингери Ламин Ямал устози Флик ҳақида гапирди.

«Флик — яхши одам. У сиз билан доим суҳбатлашади ва аҳволингизга қизиқади. Шунинг учун ҳам уни мураббий ва инсон сифатида ҳурмат қиламан.

Флик қаттиққўл кўринади. Лекин ҳар бир ўйинчига ҳар қандай вазиятда нима кераклигини яхши тушунади», — дея испаниялик футболчининг сўзларини келтиради УЕФА расмий сайти.

17 ёшли Ямал бу мавсум каталонияликлар таркибида 35 ўйинда ўз ҳисобига 11 та гол ва 15 та ассист ёздириб қўйди.