«Барселона» бош мураббийи Ҳанси Флик ЕЧЛ 1/8 финалидан ўрин олган «Бенфика» билан ўйин олдидан ўз фикрларини билдирди. 

«Албатта, биз олдинда жавоб баҳси борлиги ҳақида ҳам ўйлашимиз керак. Бизда Чемпионлар Лигасининг энг яхши жамоаларидан бири билан ўйин бор. Улар жуда яхши ишлашади ва ўзларига жуда ишонишади. Биз улардан яхшироқ бўлишимиз керак.

Рақибда ҳам, бизда ҳам қандай ўйнаш борасида ўз фикримиз бор. Иккала жамоада ҳам жуда яхши стратегиялар мавжуд. Умид қиламанки, биз аввалгидан яхшироқ тайёрланамиз. Айтганимдек, бу қийин ўйин бўлади ва биз яхшироқ тайёр бўлишимизга умид қиламиз», — дея германиялик мутахассиснинг сўзларини келтиради AS. 

Эслатиб ўтамиз, жамоалар умумий лига босқичида ҳам тўқнаш келишган ва ўшанда Каталония клуби суперкамбэк амалга ошириб, 5:4 ҳисобида ғалаба қозонганди.