Хулиан Алварес «Бернабеу»да кетма-кет иккинчи ўйинда «Реал» дарвозасини ишғол қилди. 

«Атлетико» ҳужумчиси Чемпионлар Лигаси 1/8 финалининг биринчи ўйинида (1:2) 32-дақиқада ҳисобни тенглаштирганди. Аввалроқ аргентиналик футболчи 8 феврал куни Ла Лига доирасида меҳмондаги дербида ҳам гол урганди (1:1).

Алварес ХХI асрда «Атлетико» сафида «қаймоқранглилар» майдонидаги кетма-кет икки баҳсда гол урган учинчи ўйинчига айланди. Бунгача Диего Форлан (2010) ва Антуан Гризманн (2017) уддалаганди.