Элит Осиё Чемпионлар лигаси нимчоракфинал дастлабки ўйини доирасида Саудиянинг «Ал Аҳли» клуби сафарда «Ар Райян»дан устун келди.

Қатардаги баҳсда Жидда клуби Галено, Маҳрез ва Ал-Бурайканнинг голи эвазига ғалаба қозонди. Мезбонларнинг ягона голи Рожер Гедес номига ёзилди – 1:3.

Шу тариқа, «Ал Аҳли» чоракфинал йўлланмаси масаласини деярли ҳал қилди. Жавоб учрашуви 11 март куни Саудияда ўтказилади.

Элит ОЧЛ. 1/8 финал. Биринчи ўйин

Ар Райян – Ал Аҳли – 1:3

Голлар: Гедес 71 – Галено 30, Риёд Маҳрез 34, Фирас Ал-Бурайкан 90+5.