Россиялик афсонавий эркин курашчи Бувайсар Сайтиев 49 ёшда ҳаётдан кўз юмди. Бу ҳақда Россия спорт курашлари федерацияси президенти Михаил Мамиашвили «Спорт-Экспресс»га маълум қилган.

Сайтиев бугун, 2 март куни Москвадаги шифохоналардан бирида вафот этган. Афсонавий спортчининг ўлими сабаби маълум қилинмаган.

Бувайсар эркин курашдаги фаолияти давомида -74 кг вазн тоифасида 1996, 2004 ва 2008 йилги Олимпиада чемпиони саналади. Шунингдек, у 6 карра жаҳон чемпиони бўлганди.

Сайтиев спортдаги фаолиятини 2009 йилда якунлагач, 2016-2021 йилларда Россия Давлат Думаси депутати, шунингдек Доғистон ва Чеченистон раҳбари маслаҳатчиси сифатида фаолият юритганди. Бувасар доғистонлик ва чеченистонлик бир қатор курашчиларнинг устози саналарди. Унинг шогирдлари орасида Париж-2024 чемпиони Разамбек Жамалов ҳам бор.

Доғистонинг Ҳасавюрт шаҳрида туғилиб ўсган чечен миллатига мансуб афсонавий курашчи ўз юртида дафн этилиши кутилмоқда.