Неймар Пеп Гвардиоланинг таклифи билан «Бавария»га ўтишга яқин бўлганини эслади.

«2012 йилда «Бавария»га ўтишга жуда яқин эдим... Гвардиола сабаб. Ярим тунда, соат 2да эшик тақиллади, очсам – дадам, Гвардиола ва таржимон. Хонамда ўтириб, анча гаплашдик. Ўшанда Пеп жамоасиз эди. У «Сени ўзимнинг янги жамоамга олмоқчиман, сени жаҳоннинг энг яхши ўйинчисига айлантираман.

У ноутбукни очиб, мени қаерда ўйнатишини айтиб, «Агар сен 60та гол ура олмасанг, исмимни ўзгартираман», деди. Унга ўтишга розилигимни айтдим, аммо қайси клуб эканини сўрадим. У ҳали ҳаммаси ҳал бўлмаганини айтди, аммо уни янги жамоа номини айтишга кўндира олдим. У «Бавария» билан шартнома имзолашга яқин эканини айтди», - дея эслади Неймар.