Испания миллий жамоаси ва «Барселона» клубининг собиқ ҳимоячиси Жерар Пике жамоалар 0:0 ҳисобини қайд этса, клублардан очко олиб ташлаш ташаббуси билан чиқди.

«Мухлислар стадионга бориб, 100, 200, 300 евро сарфлайди, аммо ўйин 0:0 ҳисоби билан якунланади. Бундай бўлмаслиги керак, ниманидир ўзгартириш вақти келган. Жамоалардан бундай ҳисоб учун очко олиб ташланиши керак. Яна бир таклиф ўйинда ҳисоб очилмаса жамоаларга дуранг сифатида 1 очко берилмаслиги керак. Ўшанда ёпиқ ёки зерикарли ўйинда ҳам 70-дақиқадан кейин жамоалар очиқ, ҳужумкор ўйин кўрсатган бўларди», - дейди Пике.