Ўзбекистон кубоги гуруҳ босқичига қуръа ташлангач, «Динамо» матбуот хизмати жамоа бош мураббийи Вадим Абрамовнинг қуръа ва рақиблар ҳақидаги фикри билан қизиқди.

«Одатдагидек, кучли гуруҳлардан бирига тушдик. Қизиқарли ўйинлар бўлади. Плей-оффга чиқиш учун курашамиз. Қизиғи, ўтган мавсумдагидек кучли рақиблар йиғилди. «Андижон» кубокнинг амалдаги ғолиби, «Сурхон» яримфинал иштирокчиси. «Андижон» билан ўтган йил ҳам бир гуруҳда эдик ва Андижонда 2:2 ўйнагандик. Бу сафар яна Андижонга борамиз. Ўз ўйинимизни кўрсатишимиз ва курашиш керак. Мухлисларни қизиқарли ўйинлар кутиб турибди», - дейди Вадим Карленович.

Маълумот учун, «Динамо» кубок 1-турини 8 ёки 9 апрел куни Самарқандда бошласа, 22 ёки 23 апрел куни Термизга сафар қилади, 13 ёки 14 май куни эса Андижонга сафар қилади.