Рубен Аморим «Ипсвич» устидан 3:2 ҳисобидаги ғалабадан кейин ўз фикрларини билдириб ўтди. 

Манчестердаги ўйинда мезбонлардан 43-дақиқада Патрик Доргунинг четлатилишидан кейин Аморим шогирдлари 10 киши бўлиб ғалабага эришди.

«Ўйинни назорат қилдик, биринчи дақиқаларданоқ футболчиларимизнинг ғалабага чанқоқ эканини кўрдим. Қизил карточка ўйиннинг режасини бироз ўзгартирди, аммо мухлисларнинг қўллаб-қувватлаши жуда ёрдам берди. Биз ғалабага ҳақли эдик.  

Патрик АПЛга тайёр, унинг кичик хатоси четлатилишига олиб келди. Ўтган ҳафтада у «Эвертон»га қарши яхши ўйин кўрсатди. Бугун эса танқидчилар унинг Премьер-Лига учун тажрибаси етарли эмас деб айтишади, аммо мен бундай деб ўйламайман», – деди «Манчестер Юнайтед»нинг бош мураббийи TNT Sportsга интервьюсида.